నందమూరి బాలయ్య పుట్టినరోజుని పురస్కరించుకుని అభిమానుల కోసం అనేక సర్ప్రైజెస్ ప్లాన్ చేసారు. అందులో భాగంగా బాలయ్య- బోయపాటి కాంబినేషన్లో వస్తున్న మూడవ చిత్రం నుండి గ్లింప్స్ వీడియోని రిలీజ్ చేసారు. అందరూ అనుకున్నట్టుగానే బాలయ్య- బోయపాటి కాంబినేషన్లో మరో మాస్ సినిమా రాబోతుందని టీజర్ చూస్తే అర్థమైపోయింది. బాలయ్య తాలూకు పవర్ ఫుల్ డైలాగుతో, బోయపాటి తాలూకు మాస్ మసాలాని దట్టించారు.
అయితే ఈ టీజర్ లో సరికొత్తగా అంశం ఏదైనా ఉందంటే అది బాలయ్య లుక్ అని చెప్పాలి. గత సినిమాల్లో మాదిరిగా కాకుండా బాలయ్యకి పర్ ఫెక్ట్ మ్యాచ్ అయ్యేలా లుక్ ని తీర్చిదిద్దారు. లుంగీ కట్టు బాలయ్యకి బాగా సెట్ అయింది. అయితే ఈ టీజర్ లో బాలయ్య చేత బూతు మాట్లాడించడమే ఆశ్చర్యంగా ఉంది. ఏదేమైతేనేం బాలయ్య పుట్టినరోజుకి ఒకరోజు ముందుగానే వచ్చిన ఈ గ్లింప్స్ వీడియో అభిమానులతో పాటు సినీ ప్రేక్షకులని కూడా బాగానే ఆకర్షిస్తుంది.