బాహుబలి తర్వాత రాజమౌళి తెరకెక్కిస్తున్న ఆర్ ఆర్ ఆర్ సినిమా గురించి ప్రతీ ఒక్క సినిమా అభిమాని ఎంతగానో ఎదురుచూస్తున్నాడు. జూనియర్ ఎన్టీఆర్, రామ్ చరణ్ కలిసి నటిస్తున్న ఈ సినిమాపై అంచనాలు పీక్స్ లో ఉన్నాయి. 1920 ప్రాంతంలో అల్లూరి సీతారామరాజు, కొమరం భీమ్ కలిసి ఏం చేశారన్నది కథగా చెప్పబోతున్నాడు. వారిద్దరి స్నేహం గురించి కల్పిత కథగా చూపించబోతున్నాడు.
అయితే ఈ సినిమాలో రామ్ చరణ్ కి జోడీగా బాలీవుడ్ భామ ఆలియా నటిస్తుండగా, ఎన్టీఆర్ కి జోడీగా బ్రిటన్ భామ ఒలివియా కనిపించనుందని తెలిసిందే. అయితే తాజాగా ఈ సినిమాలో మరో తార గురించి అప్డేట్ బయటకి వచ్చింది. హీరోయిన్ గా ఎన్నో సినిమాల్లో చేసి, పెళ్ళి చేసుకున్నాగ కొంత గ్యాప్ తీసుకున్న హాట్ హీరోయిన్ శ్రియా శరణ్ కూడా ఈ సినిమాలో నటిస్తుందని సమాచారం. ఆర్ ఆర్ ఆర్ లో కీలక పాత్ర పోషిస్తున్న బాలీవుడ్ నటుడు అజయ్ దేవగణ్ సరసన శ్రియ కనిపించనుందట.
ఈ విషయాన్ని శ్రియ తన అభిమానులతో పంచుకుంది. ఆర్ ఆర్ ఆర్ టీమ్ నుండి అధికారిక ప్రకటన రాకముందే ఈ విషయం వెల్లడి కావడం కొద్దిగా ఆశ్చర్యం కలిగించే విషయమే.