చిత్రలహరి మూవీ మేకర్స్ పతాకంపై జై దర్శకత్వంలో, అట్లూరి మాధవి నిర్మించనున్న హిలేరియస్ కామెడీ ఎంటర్‌టైనర్ ‘కాక్ టైల్’. ఈచిత్ర ప్రారంభోత్సవం ఇటీవల ఫిల్మ్ నగర్ దైవసన్నిధానంలో పూజా కార్యక్రమాలతో ప్రారంభమైంది. ఈ కార్యక్రమంలో చిత్ర యూనిట్ పాల్గొన్నారు.
ఈ సందర్భంగా చిత్ర దర్శకుడు జై మాట్లాడుతూ.. ‘‘యువత భవిత‌పై సోషల్ మీడియా ప్రభావం అనే అంశంతో, అన్నికమర్షియల్ హంగులతో రూపుదిద్దుకోనున్న చిత్రమిది. పాత, కొత్త ఆర్టిస్ట్‌లతో ఈ చిత్రం తెరకెక్కనుంది. ఫిబ్రవరి 2 నుంచి రెగ్యులర్ షూటింగ్ హైదరాబాద్, గోవాలలో జరపనున్నాం..’’ అన్నారు.
ఈ చిత్రానికి కథ, మాటలు: శ్రీకుమార్ దాలిపర్తి, సంగీతం: భాను.జె. ప్రసాద్, కెమెరా: శ్రీనివాస్ సబ్బి, డ్యాన్స్: శైలజ, రాక్ వేణు, ఫైట్స్: నాబా, ఎడిటింగ్: శివ, సమర్పణ: పవన్ కుమార్ వాసికర్ల, పి.ఆర్.ఓ: బి.వీరబాబు, ఎగ్జిక్యూటివ్ ప్రొడ్యూసర్: ఆనంద్.వి, ప్రొడ్యూసర్: అట్లూరి మాధవి, స్క్రీన్‌ప్లే, దర్శకత్వం: జై.