ప్రముఖ సినీ విశ్లేషకుడు తరుణ్ ఆదర్శ్.. ‘గెస్ చేయండి’ అంటూ శనివారం ఓ ట్వీట్ చేశారు. ఆ ట్వీట్‌లో ఏముందంటే..‘‘గెస్ చేయండి.. సౌత్‌కు చెందిన ఓ బ్లాక్‌బస్టర్ డైరెక్టర్ చేస్తున్న చిత్రం విడుదల తేదీ మారనుంది. విశ్వసనీయ వర్గాల సమాచారం ప్రకారం ఆ చిత్రం అక్టోబర్ 2020లో విడుదలయ్యే అవకాశం ఉన్నట్లుగా తెలుస్తుంది’’. ఇది ట్వీట్‌లో ఉన్న సారాంశం. అయితే నెటిజన్ల చేస్తున్న గెస్ ప్రకారం.. ఆ చిత్రం ‘ఆర్ఆర్ఆర్’ అనే తెలుస్తుంది. సౌత్ ఆయన చెప్పినంత గ్రాండ్ స్కేల్ ఉన్న చిత్రంకానీ, డైరెక్టర్ కానీ ‘ఆర్ఆర్ఆర్’, ‘రాజమౌళి’ మాత్రమే. అందుకే అందరూ ‘ఆర్ఆర్ఆర్’ వాయిదా పడనుంది అంటూ ఊహిస్తున్నారు.
అయితే ‘ఆర్ఆర్ఆర్’ కాకుండా మరో చిత్రం కూడా ఈ లిస్ట్‌లో ఉన్నట్లుగా నెటిజన్లు చెబుతున్నారు. ఆ చిత్రం మరేదో కాదు ‘కెజిఎఫ్ చాప్టర్ 2’. యష్ నటించిన ‘కెజిఎఫ్’ చిత్రం ఎటువంటి విజయం అందుకుందో అందరికీ తెలిసిందే. చాప్టర్ 2గా తెరకెక్కుతున్న ఈ చిత్రంపై కూడా భారీ అంచనాలు ఉన్నాయి. తరుణ్ ఆదర్శ్ చేసిన ట్వీట్ ప్రకారం ఈ చిత్రం కూడా అనుకునే అవకాశం ఉంది. ఎందుకంటే ఈ చిత్రం ఏప్రియల్‌లో విడుదల కావాల్సి ఉంది. మరి ఈ రెండు సినిమాలనే తరుణ్ చేసిన ట్వీట్‌కు రిప్లైగా చెబుతున్నారు నెటిజన్లు. మరి ఈ ఉత్కంఠకు తరుణ్ ఎప్పుడు తెరదించుతూ ట్వీట్ చేస్తాడో చూద్దాం.