‘కిస్’ టీజర్ విడుదల ఎప్పుడంటే..?

జ‌న‌వ‌రి 2న రొమాంటిక్ థ్రిల్లర్ ‘కిస్’ టీజ‌ర్ విడుద‌ల‌!!

జి.ఎస్‌.కె  ప్రొడక్షన్స్ బేనర్ పై శివ స్వీయ దర్శకత్వంలో నిర్మిస్తున్న రొమాంటిక్ థ్రిల్లర్ ‘కిస్’. ధరన్, నేహా హీరో హీరోయిన్లుగా నటిస్తున్న ఈ చిత్రం మొదటి షెడ్యూల్ షూటింగ్ ఇటీవల పూర్తయింది. కాగా జనవరి 2న ఈ చిత్ర టీజర్ ను విడుదల చేయనుంది చిత్ర యూనిట్. ఈ సందర్భంగా..

దర్శకనిర్మాత శివ మాట్లాడుతూ - ‘‘దెయ్యం వయాగ్రా మింగితే అనే విభిన్నమైన కాన్సెప్ట్ తో రొమాంటిక్ ఎంటర్టైనర్ గా ఈ చిత్రం రూపొందుతోంది. ఇంతవరకూ ఈ కాన్సెప్ట్ తో ఏ భాషలో సినిమా రాలేదు. నూతన నటీనటులతో రూపొందిన ఈ చిత్రం విజయంపై కాన్ఫిడెంట్ గా ఉన్నాం. ప్ర‌స్తుతం షూటింగ్ శ‌ర‌వేగంగా జ‌రుగుతోంది. జనవరి 2టీజర్ విడుదలకు ప్లాన్ చేస్తున్నాం. త్వరలోనే విడుదల తేదీని ప్రకటిస్తాం’’ అన్నారు.

ధరన్, నేహా హీరోహీరోయిన్లుగా నటిస్తున్న ఈ చిత్రానికి 

నిర్మాత, దర్శకత్వం: శివ

సినిమాటోగ్రఫీ: లక్ష్మణ్

ఎడిటర్: క్రిష్

సంగీతం: నవనీత్ చారి

ఆర్ట్ డైరెక్టర్: సి హెచ్ శ్రీను