రీచా గంగోపాధ్యాయ గుర్తుందా..?.. గుర్తుకు రాలేదా..? అదేనండి ‘లీడర్’ సినిమాతో టాలీవుడ్‌లోకి ఎంట్రీ ఇచ్చి.. ‘నాగవళ్లి’, ‘మిరపకాయ్’, ‘సారొచ్చారు’, ‘మిర్చి’, ‘భాయ్’ చిత్రాల్లో మెరిసి తెరమరుగైపోయిందే ఆ బ్యూటీనే రీచా. అయితే భాయ్ సినిమా నుంచి ఇప్పటి వరకూ ఈ భామ అడ్రస్ కనపడలేదు. అయితే తాజాగా.. లోకల్ మొదలుకుని నేషనల్ మీడియా వరకూ ఈ బ్యూటీ పేరు మార్మోగుతోంది. ఇందుకు కారణం ఈ ముద్దుగుమ్మ పెళ్లి చేసుకుంది గనుక.
సినిమాలకు దూరమయ్యాక రీచా పెద్ద చదువుల కోసం అమెరికాక బాటపట్టింది. అక్కడ చదువుతో పాటు ఓ అమెరికన్‌ను కూడా బుట్టలో వేసుకుంది!. అంతేకాదండోయ్.. పెళ్లికూడా చేసుకుంది. అతని పేరు జోకు. రీచా-జోకు ఇద్దరూ క్లాస్‌మేట్స్. అలా ఇద్దరూ ప్రేమించుకుని.. పెద్దలను ఒప్పించి మరీ పెళ్లి చేసుకున్నారు. వాస్తవానికి ఈ ఏడాది మొదట్లో తన భాయ్‌ఫ్రెండ్ అంటూ నెటిజన్లకు పరిచయం చేసింది. అయితే ఏడాది ముగిసేలోపు అనగా.. డిసెంబర్ నాటికి భాయ్‌ఫ్రెండ్ కాస్త భర్తగా మారాడని షాకిచ్చింది.
రీచా-జోకు జంట పక్షులకు ఈ మధ్యే వివాహం జరిగింది. జో క్రిస్టియన్ కావడం.. రీచా హిందూ కావడంతో.. పెళ్లి రెండు కలిసే విధంగా క్రిస్టియన్- హిందూ సంప్రదాయాల ప్రకారం జరిగింది. కాగా ఈ వివాహ వేడుక కుటుంబ సభ్యులు, అత్యంత సన్నిహితులు సమక్షంలో జరిగింది. ప్రస్తుతం ఇందుకు సంబంధించిన ఫొటోలు సోషల్ మీడియాలో పెద్ద ఎత్తున వైరల్ అవుతున్నాయి. ఇక్కడ ట్విస్ట్ ఏమిటంటే ఈ ఫొటోలపై రియాక్షన్ కానీ.. అధికారికంగా గానీ ఎలాంటి ప్రకటన చేయకపోవడం గమనార్హం. మరి ‘జో’తో పెళ్లి నిజమా..? అన్నీ ఉత్తుత్తేనే అనేది తెలియాలంటే మరికొన్ని గంటలు వేచి చూడాల్సిందే.