రష్మిక మందన్నా.. ఈ క్యూట్ బ్యూటీ టాలీవుడ్‌లో చేసింది తక్కువ సినిమాలే అయినప్పటికీ పేరు మాత్రం మార్మోగిపోతోంది. ‘ఛలో’, ‘గీత గోవిందం’ లాంటి సినిమాలు చాలు ఈ భామ ఎక్కడికెళ్లినా చెప్పుకోవడానికి.. ఈ రెండు సినిమాలు రష్మిక రేంజ్‌ను ఎక్కడికో తీసుకెళ్లాయి. ఇవన్నీ ఒక ఎత్తయితే ప్రస్తుతం టాలీవుడ్‌లో సూపర్‌స్టార్ మహేశ్ బాబుతో ‘సరిలేరు నీకెవ్వరు’లో నటిస్తోంది. ఇది కూడా రష్మిక సినీ కెరీర్‌లో ఓ మైలు రాయిగా నిలిచిపోనుంది.!
అయితే ఇప్పటివరకూ టాలీవుడ్‌లో స్టార్ హీరోలతో నటించేసి స్టార్ స్టేటస్ సంపాదించుకున్న ఈ భామకు మరో కోరిక ఉందట. టాలీవుడ్‌ను ఏలేసిన ఈ భామ కోలీవుడ్‌ను ఏలానుకుంటుందోట. అందుకే.. తమిళంలో సినిమా అంటే చాలు రెడీగా ఉన్నానని చెబుతోంది. తమిళ్ స్టార్ హీరో విజయ్ 64 చిత్రంలో రష్మిక నటించే అవకాశం ఉన్నట్లు తెలుస్తోంది. మరోవైపు ఓ ఇంటర్వ్యూ వేదికగా రష్మిక తన మనసులోని మాటను బయటపెట్టింది. ‘తమిళ్ స్టార్ హీరో అజిత్‌ సరసన నేను హీరోయిన్‌గా నటించాలని ఉంది. అజిత్‌తో కలిసి స్క్రీన్ రొమాన్స్ చేయడానికి నేను ఎప్పటికీ ఇష్టపడతాను’ అని చెప్పుకొచ్చింది. మరి ఈ భామ కోరిక నెరవేరుతుందో.. కలగానే మిగిలిపోతుందో వేచిచూడాలి మరి.