స్టార్ హీరోయిన్ కమ్ లేడీ సూపర్‌స్టార్‌గా పేరుగాంచిన నయనతార- విఘ్నేష్ శివన్ ప్రేమ పక్షులన్న సంగతి తెలిసిందే. కాస్త గ్యాప్ దొరికితే చాలు ఈ జంట రెక్కలు కట్టుకుని విదేశాలకు టూర్ వెళ్లిపోతుంటుంది. ఒక్క మాటలో చెప్పాలంటే గతం గత: అన్నట్లుగా పాస్ట్‌ను అంతా వదలేసిన నయన్.. కొత్త ప్రియుడు విఘ్నేష్‌ను బాగా నమ్మి పిచ్చాపాటిగా ఎంజాయ్ చేసేస్తోంది. ఈ ప్రేమ జంట పెళ్లిపీటలెక్కుతుందా లేదా..? అనేది పైనున్న దేవుడెరుగు.
ఇక అసలు విషయానికొస్తే.. ఇటీవల విఘ్నేష్ శివన్ పుట్టినరోజు గ్రాండ్‌గా జరుపుకున్నాడు. అంతేకాదు.. ఈ వేడుక ఇండియాలోని ఉండి గ్రాండ్ జరుపుకోవడం మామూలు విషయం కాదు. గడిచిన రెండేళ్లుగా ప్రియుడు పుట్టిన రోజున విదేశాల్లో గ్రాండ్‌గా సెలబ్రేట్ చేసేదీ ఈ అందాల సుందరి.. ఈసారి మాత్రం ఇండియాలోనే మరీ గ్రాండ్‌గా కాకుండా సింపుల్‌గానే వేడుకలు పూర్తి చేసేసింది.
అయితే.. చిన్నపాటి గ్యాప్ దొరికితే చాలు విదేశాలకు చెక్కేసీ ఈ జంట.. ఇంత సింపుల్‌గా వేడుకలేంటి..? ఈ ఇద్దరి మధ్య ప్రేమ తగ్గిందా..? ఇద్దరి మధ్య విబేధాలు తలెత్తాయా..? అనే కొత్త పుకార్లు వస్తున్నాయి. వాస్తవానికి ఇద్దరూ సినిమాలతో బిజీబిజీగా ఉన్నారు. అందుకే ఇలా సింపుల్‌గా.. అది కూడా ఇండియాలో ప్రేమ పక్షులు పుట్టిన రోజు వేడుకలు పూర్తి చేశాయి.