ఓటమి ఎరుగని దర్శకధీరుడిగా పేరుగాంచిన రాజమౌళి అలియాస్ జక్కన్న తెరకెక్కిస్తున్న భారీ బడ్జెట్ చిత్రం ‘RRR’. స్టార్ హీరోలైన మెగా పవర్ స్టార్ రామ్‌ చరణ్, యంగ్ టైగర్ ఎన్టీఆర్ ఇద్దరూ ప్రధాన పాత్రల్లో నటిస్తున్నారు. ఇప్పటికే ఈ భారీ చిత్రం షూటింగ్ విజయవంతంగా జరుపుకుంటోంది. ఈ సినిమాకు సంబంధించిన ఎలాంటి చిన్న అప్డేట్ వచ్చినా సరే.. జక్కన్న, జూనియర్, చెర్రీ అభిమానులకు శుభవార్తే మరి.
అయితే తాజాగా.. జూనియర్ ఫైట్ గురించి చిన్నపాటి లీకులు వస్తున్నాయి. ఈ చిత్రంలో కొమ్రుంభీం పాత్రలో ఎన్టీఆర్ నటిస్తున్నాడు. ఇప్పటికే.. పులితో ఫైట్స్, డైలాగ్స్‌ ఎన్టీఆర్ తన సినిమాల్లో దగ్గరుండి మరీ కథలు మార్పులు చేసుకున్న రోజులున్నాయి. అయితే RRRలో కూడా ఎన్టీఆర్ కోసం ఓ పులి ఫైట్ పెట్టినట్లు విశ్వసనీయ వర్గాల సమాచారం. ఈ ఫైటే సినిమాకు హైలైట్‌ అవుతుందని తెలుస్తోంది. అందుకే ఈ సన్నివేశాలను విజువలైజ్ చేసి చూపిస్తున్నట్లు సమాచారంజ. కాగా.. ప్రస్తుతం బల్గేరియాలో ఈ సినిమా షూటింగ్ జరుగుతోంది. మరి నిజంగానే ఈ ఫైట్ సినిమాలో ఉంటుందా..? లేకుంటే పుకారుగానే మిగిలిపోతుందా..? అనేది తెలియాలంటే మరికొన్ని రోజులు వేచి చూడాల్సిందే మరి.