అవును మీరు వింటున్నది నిజమే.. యంగ్ డైరెక్టర్, ‘మహానటి’ సినిమాతో తన పేరు ప్రపంచ వ్యాప్తంగా మార్మోగేలా చేసుకున్న నాగ్‌అశ్విన్‌.. మెగాస్టార్ చిరంజీవి కోసం కథ సిద్ధం చేస్తున్నట్లు సమాచారం. ఈ విషయమై స్వయంగా ఓ భారీ ప్రాజెక్టును చేపట్టబోతున్నట్లు ట్విట్టర్ వేదికగా ప్రకటించింది. అంతేకాదు ఈ యాత్ర సెప్టెంబర్‌లో ప్రారంభం కానుందని కూడా హింట్ ఇచ్చింది. ఈ చిత్రానికి గాను విజువల్‌ ఆర్టిస్టులు, డిజైనర్లు, రచయితలు కావాలని రిక్రూట్మెంట్ కూడా వదిలింది.
కాగా ఈ కథ ఇంతవరకూ ఎవరూ టచ్ చేయని.. ఊహకందని రీతిలో సబ్జెక్ట్ ఉంటుందని సమాచారం. అయితే ఇలాంటి వార్తలు అస్తమానూ టాలీవుడ్‌లో హల్ చల్ చేస్తుండటంతో మెగాభిమానులు సంబరపడిపోతున్నారు. ఈ వ్యవహారంపై ఇంతవరకూ అధికారికంగా ఎలాంటి ప్రకటన రాలేదు. సో.. ఇప్పటి వరకూ భారీ ప్రాజెక్ట్ అని మాత్రం తెలిసింది.. గనుక ఇక నటీనటులు ఎవరన్న విషయం త్వరలోనే తేలిపోనుంది.
మరోవైపు ఈ మొత్తం వ్యవహారం చిరు కోసమేనని ఫిల్మ్‌నగర్‌లో పెద్ద ఎత్తున పుకార్లు షికార్లు చేస్తున్నాయి. కాగా.. చిరంజీవి, మహానటి దర్శక-నిర్మాతలకు మంచి అనుబంధముందన్న విషయం విదితమే. మహానటి సక్సెస్ అయిన తర్వాత చిరు వీరందర్నీ సత్కరించిరించారు కూడా. మరోవైపు అశ్వనీదత్‌తో చిరుకు మంచి సన్నిహిత సబంధం ఉంది. అయితే ఈ భారీ ప్రాజెక్టు మెగాస్టార్ కోసమో లేకుంటే మరొకరి కోసమో తెలియాలంటే మరికొన్ని రోజులు వేచి చూడాల్సిందే మరి.