అవును మీరు వింటున్నది నిజమే.. ప్రస్తుతం ట్రెండింగ్.. టీఆర్పీ రేటింగ్స్‌తో టాప్‌లో ఉన్న బిగ్‌బాస్-3న ఢీ కొట్టేందుకు సరికొత్త తెలుగులోనే వచ్చేస్తోంది. ఇది కూడా రియాలిటీ షోకి ‘హీరోస్’ అంటూ టైటిల్ పెట్టారు. ఇదిగో పక్కనే ఉన్న పోస్టర్‌ను బట్టి చూస్తే నిజంగానే వీళ్లంతా హీరోయిజాన్ని చూపించేలానే ఉన్నారు.
కాగా ఈ షోకు మంచు లక్ష్మీ హోస్ట్‌గా వ్యవహరిస్తుండగా మొత్తం పదిమంది కంటెస్టెంట్లు ఈ షోలో పాల్గొనబోతున్నారు. ఈ కంటెస్టెంట్లలో సింగర్ అనుదీప్, నటుడు ఆకర్ష్ రోడీస్, మిలింద్ చాంద్వానీ, జబర్థస్త్ ఫేం రామ్ ప్రసాద్, లేడీ కమెడియన్ విద్యుల్లేఖ, నటి అపూర్వ శ్రీనివాసన్, సునంద మాల శెట్టి, శ్రిష్ఠి వ్యాకరణం, సామ్రాట్, తేజస్వి కూడా ఇందులో ఉన్నారు.
అయితే ఈ షో మాత్రం ఇప్పటి వరకూ ఎక్కడా లేని విధంగా మనుషులు దూరని కారడవిలో ఈ కంటెస్టెంట్లంతా సాహసాలు చేయడానికి సిద్ధమవుతున్నారు. కాగా ఈ షో జీ-చానెల్‌లో ప్రసారం కానుంది. అయితే బిగ్బాస్ను హీరో ఏ మాత్రం ఢీ కొడతాడో..? ‘మా’ టీఆర్పీ రేటింగ్‌ను జీ ఏ మాత్రం క్రాస్ చేస్తుందో.. అసలు ఈ షోను జనాలు ఆదరిస్తారో లేదో..? అనేది తెలియాలంటే షో ప్రారంభయ్యేంత వరకు వేచి చూడాల్సిందే.