ముంబైలో రాంగోపాల్ వర్మ ఆవిష్కరించిన ‘ఆగ్రహం’ టీజర్
ఎస్ ఎస్ చెరుకూరి క్రియేషన్స్ పతాకంపై సుదీప్, సందీప్, రాజు, సుస్మిత హీరోహీరోయిన్లుగా ఆర్. ఎస్ .సురేష్ దర్శకత్వంలో సందీప్ చెరుకూరి నిర్మాతగా రూపొందిన చిత్రం ‘ఆగ్రహం’ ఇటీవల షూటింగ్ పూర్తి చేసుకున్న ఈ చిత్రం టీజర్ ను రాంగోపాల్ వర్మ ముంబై లో ఆవిష్కరించారు. ఈ కార్యక్రమంలో చిత్ర దర్శకుడు సురేష్ , నిర్మాత చెరుకూరి సందీప్, ఎగ్జిక్యూటివ్ ప్రొడ్యూసర్ మూర్తి ఆడారి, సంగీత దర్శకుడు రవి శంకర్ మొదలగు వారు పాల్గొన్నారు.
ఈ సందర్భంగా దర్శకుడు సురేష్ మాట్లాడుతూ.. ‘‘రాజకీయ నేపథ్యంలో రెండు గ్యాంగ్ ల మధ్య జరిగే గ్యాంగ్ స్టర్ కధాంశమిది. ఈ చిత్రంలో 5 ఫైట్స్ ఉంటాయి. ‘ఆఫీసర్, సర్కార్3 చిత్రాలకు సంగీతాన్ని అందించిన రవిశంకర్ ఆర్ ఆర్ మా చిత్రానికి ప్రధాన ఆకర్షణ’’ అని అన్నారు.
చిత్ర నిర్మాత సందీప్ మాట్లాడుతూ.. ‘‘కంప్లీట్ యాక్షన్ ఎలిమెంట్స్ ఉన్న చిత్రమిది. ఎగ్జిక్యూటివ్ ప్రొడ్యూసర్ ఆడారి మూర్తి నేతృత్వంలో ఈ చిత్రాన్ని చాలా పాస్ట్ గా తెరకెక్కించాం. జూలైలో ఈ చిత్రాన్ని విడుదల చేయనున్నాం.’’ అన్నారు.
ఈ చిత్రానికి కెమెరా: ఎస్. రామకృష్ణ, ఎడిటర్: జె. పి, ఆర్ ఆర్ : రవిశంకర్, ఎగ్జిక్యూటివ్ ప్రొడ్యూసర్: ఆడారి మూర్తి, నిర్మాత: చెరుకూరి సందీప్, దర్శకత్వం: ఆర్. ఎస్. సురేష్