ఈ ఏడాది స్టార్టింగ్ లో ఎఫ్ 2 చిత్రంతో సూపర్ హిట్ అందుకున్న హీరోయిన్ మెహ్రీన్ కి పాపం ఎందుకు ఆ తరువాత టాలీవుడ్ నుండి ఒక్క ఆఫర్ కూడా రాలేదు. ఈనేపధ్యంలో ఆమె టాలీవుడ్ కి గుడ్ బై చెప్పబోతోంది అని వార్తలు వచ్చాయి. అయితే ఈ రూమర్స్ కి ఫుల్ స్టాప్ పెడుతూ.. మరో క్రేజీ ఆఫర్ ను సొంతం చేసుకుంది.
గోపీచంద్-తిరు కాంబినేషన్‌లో ఓ చిత్రం తెరకెక్కుతుందని తెలిసిందే. ఈ సినిమాలో మెహ్రీన్ హీరోయిన్ గా ఓకే అయింది. రీసెంట్ గా డైరెక్టర్ తిరు మెహ్రీన్ కి స్టోరీ చెప్పాడట. కథ మెహ్రీన్ కు బాగా నచ్చడంతో వెంటనే ఓకే చేసేసిందట. త్వరలోనే ఇది అధికారంగా ప్రకటించనున్నారు. గతంలో గోపీచంద్ - మెహ్రీన్ కాంబినేషన్ లో ‘పంతం’ అనే సినిమా వచ్చిన సంగతి తెలిసిందే.
ఇక ఈ సినిమాను ఏకే ఎంటర్టైన్మెంట్స్ పతాకంపై అనిల్ సుంకర నిర్మిస్తున్నారు. యాక్షన్ ఎంటర్టైనర్ గా తెరకెక్కుతున్న ఈ చిత్రంలో బాలీవుడ్ నటి జరీన్ ఖాన్ కీలక పాత్రలో నటిస్తుంది. ఈ సినిమా డైరెక్టర్ తమిళ ఇండస్ట్రీకి సంబందించిన వాడు కావడంతో ఈ మూవీని రెండు భాషల్లో రిలీజ్ చేయనున్నారు.