చిరంజీవిని మోసం చేసిన బోయపాటి

మెగా హీరోలలో ఏ ఒక్కరితో సినిమా చేయాలన్నా అయినా సరే మెగాస్టార్ చిరంజీవికి కథ-కథనం చెప్పి ఒప్పించడం అనేది గత కొన్నాళ్లుగా ఇండస్ట్రీలోని అందరు దర్శకులు ఫాలో అవుతున్న రివాజు. అందుకు రాజమౌళి కూడా మినహాయింపు కాలేకపోయాడు. సినిమా మొదలెట్టడానికి ముందు కథ చెప్పడమే కాదు.. సినిమా పూర్తయ్యాక రిలీజ్ కి కనీసం రెండు నెలల ముందైనా మెగాస్టార్ కి సినిమా చూపించి ఆయన చెప్పిన ఫైనల్ ఛేంజస్ చేయాల్సిందే. సుకుమార్ కి కూడా ఈ పద్ధతి తప్పలేదు. కాకపోతే.. చిరంజీవి చెప్పిన చిన్న చిన్న మార్పుల వల్ల రంగస్థలం సూపర్ హిట్ అయ్యిందనుకోండి అది వేరే విషయం. అయితే.. చరణ్ తాజా చిత్రం వినయ విధేయ రామను మాత్రం బోయపాటి కనీసం వారం రోజుల ముందు కూడా చిరంజీవికి చూపించలేదట. అడిగినప్పుడల్లా కొన్ని యాక్షన్ సీన్స్ మాత్రమే చూపించేవాడట బోయపాటి. ఆ యాక్షన్ సీన్స్ చూసిన చిరంజీవి కూడా ఆ హింసను కాస్త టోన్ డౌన్ చేయమని కోరినప్పటికీ బోయపాటి మెగా రిక్వెస్ట్ ను పెద్దగా ఖాతరు చేయలేదు సరికదా.. పట్టించుకోలేదు కూడా.