శ్రీరెడ్డి కాస్టింగ్‌కౌచ్‌ నుంచి బయటపడకముందే టాలీవుడ్‌ని అమెరికాలోని చికాగోలో జరిగిన సెక్స్‌రాకెట్‌ తీవ్ర ఇబ్బందులకు, విమర్శలకు గురిచేస్తుంది. ఈ రాకెట్‌పై ఇప్పటికే పూనమ్‌కౌర్‌ నుంచి మాధవీలత, శ్రీరెడ్డి, అపూర్వ వంటి పలువురు స్పందించారు. ఇక శ్రీరెడ్డి మాట్లాడుతూ, అసలు చికాగో సెక్స్‌రాకెట్‌ని బయటపెట్టించింది తానేనని, టాలీవుడ్‌ పెద్దల పెద్దరికం తెలియజేసేందుకే తాను ఈ సెక్స్‌రాకెట్‌ని బహిర్గతం చేశానని చెప్పడం మరింతగా సంచలనం సృష్టిస్తోంది.
ఇదే సమయంలో పూనమ్‌కౌర్‌ ఈ విషయంలోని మరో సంచలన విషయాన్ని బహిర్గతం చేసింది. ఇప్పటికే చికాగో సెక్స్‌రాకెట్‌లో కిషన్‌ మోదుగుమూడి-చంద్ర దంపతులను అమెరికా పోలీసులు కటకటాల వెనక్కి నెట్టి, ఈ కేసుపై ఎంతో సునిశితంగా దర్యాప్తు చేస్తున్నారు. పలువురు అమెరికాకి వచ్చిపోయే నటీమణులను ప్రశ్నిస్తున్నారు. ఇక పూనమ్‌ ఈ విషయంపై స్పందిస్తూ అసలు పోలీసులు అరెస్ట్‌ చేసిన సెక్స్‌రాకెట్‌ సూత్రధారులు నిజమైన భార్యాభర్తలు కాదని తేల్చిచెప్పింది. లగ్జరీ లైఫ్‌ని అనుభవించడం కోసం, డబ్బు కోసం వారు ఇలా చేస్తున్నారు. వారిద్దరు భార్యాభర్తలుగా నటిస్తున్నారు. కానీ వారు భార్యాభర్తలు కాదు.
ఓ సారి ఈవెంట్‌కోసం నేను అమెరికా వెళ్లాను. నేను బస చేసిన హోటల్‌ వద్దకు కిషన్‌-చంద్రలకు సంబంధించిన ఓ వ్యక్తి అర్ధరాత్రి వచ్చి తలుపు తట్టి ఏవేవో మాట్లాడాడు. ఈయన నాకు తెలుగు రాదనుకుని ఏవేవో మాట్లాడటంతో నాకు విషయం అర్ధమైంది. దాంతో ఆయన చెంపను పగులగొట్టాను. అమెరికాలో డబ్బు ఆశ చూపో, బలవంతం చేసో నటీమణుల చేత ఈ పని చేయిస్తున్నారు. అలా మన దేశ అమ్మాయిలను లొంగతీసుకుని ఇలాంటి కార్యకలాపాలకు వారిని వాడుకోవడంపై ప్రధాని మోదీ దృష్టి పెట్టాలి.. అంటూ చెప్పుకొచ్చింది.