గత వారం రోజులుగా నందమూరి బాలకృష్ణ నిత్యం వార్తల్లోనే ఉంటున్నాడు. ఒక పక్క జై సింహ సినిమా షూటింగ్ పూర్తి. అలాగే జై సింహ ఆడియో ప్లేస్ అండ్ టైం.... అలాగే జై సింహ సినిమా 2018 సంక్రాంతి కానుకగా జనవరి 12 న థియేటర్స్ లోకి రావడంతోపాటు... బాలయ్య బాబు 103 మూవీ గురించి. బాలకృష్ణ.. సీనియర్ దర్శకుడు ఎస్ వి కృష్ణారెడ్డి దర్శకత్వంలో నటించడానికి రెడీ అవ్వడం. ఈ సినిమా జనవరి నుండి సెట్స్ మీదకెళుతుందనే సమాచారం కూడా వుంది.
ఇకపోతే 104 వ సినిమాని కూడా బాలకృష్ణ కన్ఫర్మ్ చేసినట్లుగా తాజా సమాచారం. బోయపాటి శ్రీను దర్శకత్వంలో బాలకృష్ణ 104 సినిమాని రెడీ చేస్తున్నాడట. అయితే బోయపాటి దర్శకత్వంలో బాలయ్య - మహేష్ మల్టీస్టారర్ అని వార్తలొచ్చినప్పటికీ ఇప్పుడు ఈ సినిమాని మహేష్ హోల్డ్ లో పెట్టినట్లుగా తెలుస్తుంది. ఇకపోతే మహేష్ ఒకవేళ ఈ సినిమాని పక్కన పెట్టినా కూడా బాలకృష్ణ మాత్రం బోయపాటితో సినిమాకి రెడీ అవ్వడమే కాదు.. ఏకంగా ముహూర్తం కూడా ఫిక్స్ చేశారట. అది కూడా బాలకృష్ణ పుట్టిన రోజు 2018 జూన్ 10 న ఈసినిమా ప్రారంభమవబోతుందనేది లేటెస్ట్ న్యూస్ గా తెలుస్తుంది.
అంతేకాకూండా ఈ క్రేజీ ప్రాజెక్ట్ ని మైత్రి మూవీస్ వారు ప్రొడ్యూస్ చేస్తున్నారట. అయితే సినిమాని జూన్ లో మొదలెట్టిన రెగ్యులర్ షూటింగ్ మాత్రం సెప్టెంబర్ నుండి జరగనుందని టాక్ కూడా వినబడుతుంది. ఇకపోతే ఈ లోపు బాలకృష్ణ ఎస్ వి కృష్ణారెడ్డి సినిమాని.. బోయపాటి రామ్ చరణ్ సినిమాని పూర్తి చేసుకుని ఇద్దరూ బాలకృష్ణ 104 మూవీ కోసం పూర్తిగా రెడీ అవుతారని తెలుస్తుంది. ఇక అధికారిక ప్రకటన రావడమే తరువాయి అని కూడా ప్రచారం జరుగుతుంది.