తెలుగు చిత్రాలలో ఇప్పుడు ఒకేస్థాయి కలిగిన యంగ్‌ హీరోలు కలిసి మల్టీ హీరోల చిత్రాలు చేస్తున్నారు. తాజాగా నారా రోహిత్‌, సుధీర్‌బాబు, సందీప్‌కిషన్‌, ఆది సాయికుమార్‌ల చిత్రం 'శమంతకమణి'ని కూడా మల్టీస్టారర్‌ అనలేం గానీ మల్టీ హీరోల చిత్రంగా చెప్పవచ్చు. ఇక ఓ సీనియర్‌ స్టార్‌, మరో యంగ్‌స్టార్‌లు కలిసిన చిత్రాలు మాత్రం వస్తూనే ఉన్నాయి. 'సీతమ్మవాకిట్లో సిరిమల్లెచెట్టు, మసాలా, ఊపిరి' వంటివి వస్తున్నాయి.
కాగా చాలా కాలం కిందట సీనియర్‌ స్టార్‌ కింగ్‌ నాగార్జున, నేచురల్‌స్టార్‌ నానిల కాంబినేషన్‌లో ఓ చిత్రం వచ్చే అవకాశాలున్నాయని వార్తలు వచ్చాయి. తాజాగా అది కన్‌ఫర్మ్‌ అని ఇండస్ట్రీ వర్గాలు అంటున్నాయి. కానీ డైరెక్టర్‌ విషయంలో మాత్రం పలువురి పేర్లు వినిపిస్తున్నాయి. కానీ ఈ చిత్రం కథని తానే స్వయంగా చేసుకుని,నాగార్జున,నానిలకు చెప్పి ఓకే చేయించింది మాత్రం 'కార్తికేయ, ప్రేమమ్‌' చిత్రాల దర్శకుడు చందుమొండేటి అని విశ్వసనీయ సమాచారం.
గతంలో 'ప్రేమమ్‌' వంటి సబ్జెక్ట్‌ని తెలుగు ప్రేక్షకులకు నచ్చేలా చేసిన చందుమొండేటితో ఓ చిత్రం చేస్తానని కూడా నాగార్జున చెప్పాడు. అయితే చందు మొండేటికి ఇప్పటికీ ఓ పెద్దస్టార్‌ని డైరెక్ట్‌ చేసిన అనుభవం లేదు. ఇక ఆయన తీసిన రెండు చిత్రాలను కేవలం హిట్సే గానీ బ్లాక్‌బస్టర్స్‌ కాదు. కానీ దర్శకుల విషయంలో నాగ్‌ని, నానిది ఒకటే టేస్ట్‌, టాలెంట్‌ ఉంటే ట్రాక్‌రికార్డుతో సంబంధం లేకుండా చాన్స్‌లు ఇస్తారు. దీంతో ఈ చిత్రానికి చందుమొండేటే దర్శకుడని అంటున్నారు.