జూనియర్‌ ఎన్టీఆర్‌ హోస్ట్‌గా సాగనున్న 'బిగ్‌బాస్‌'షో పై తాజాగా వచ్చిన వార్తలతో సస్పెన్స్‌ వీడింది. ఈ కార్యక్రమం ఈనెల 16వ తేదీ నుంచి బుల్లితెర ప్రేక్షకులను మెస్మరైజ్‌ చేయడానికి వస్తోంది. కాగా ఈ కార్యక్రమం ప్రతి రోజు రాత్రి 9.30 నిమిషాల నుంచి స్టార్‌ మాలో ప్రసారం కానుంది. ఇక శని, ఆది వారాలు మాత్రం రాత్రి 9గంటలకే ఈ షో ప్రారంభమవుతుంది.
మొత్తం ఈ పోటీలో పాల్గొనడానికి 100 మందికి పైగా సెలబ్రిటీలు పాల్గొనడానికి ముందుకు వచ్చినా కూడా పలు వడపోతల అనంతరం కేవలం 12 మందిని మాత్రమే సెలక్ట్‌ చేశారు. వీరిని ఓ బిగ్‌ బాస్‌ హౌస్‌లోకి పంపి 70రోజుల పాటు వారిని లాక్‌ చేస్తారు. ఆ 70 మందిని 70 కెమెరాలు సునిశితంగా పరిశీలిస్తుంటాయి. వీరికి బయటి ప్రపంచంతో సంబంధం ఉండదు.
వీరు 12 మంది తెలుగు వీక్షకులను బాగా ఎంటర్‌టైన్‌ చేస్తారని ఎన్టీఆర్‌తోపాటు కార్యక్రమ నిర్వాహకులు కూడా కాన్పిడెన్ట్‌గా ఉన్నారు. ఇప్పటికే విడుదలైన ఈ షో ప్రోమోస్ కి మంచి ఆదరణ లభించింది. ఏకంగా 5.5కోట్ల వ్యూస్‌ని తెచ్చుకుంది. అదే స్థాయిలో కార్యక్రమం కూడా హిట్టవుతుందని భావిస్తున్నారు. దీని కోసం దాదాపు 10వేల అడుగుల పెద్ద బిగ్‌బాస్‌ హోస్‌ని నిర్మించారు.
దీని కోసం ఏకంగా 750మంది కష్టపడ్డారంటే ఈ హౌస్‌ ఎలా ఉంటుందో అర్ధం చేసుకోవచ్చు. మొత్తానికి షో ఎలా ఉన్నా మన వీక్షకులకు కొత్త కాబట్టి మొదటి రెండు, మూడు సీజన్లకు ఢోకా ఉండకపోవచ్చు. కాగా ఇందులో పాల్గొంటున్న 12 మంది సెలబ్రిటీలు ఎవరనేది ఆసక్తికరంగా మారింది.