ఆగష్టు11.. ఐదు రోజుల వీకెండ్‌కు వీలుండేలా కనిపిస్తోంది. దాంతో ఈ తేదీపై మొదట ఎన్టీఆర్‌ వంటి వారు కన్నేసినా కూడా తర్వాత వీలు కాదని వదిలేశారు. కాగా ఇప్పటికే నితిన్‌ హీరోగా హనురాఘవపూడి దర్శకత్వంలో రూపొందుతున్న 'లై', సాయి ధరమ్‌ తేజ్‌, బి.వి.ఎస్‌.రవి దర్శకత్వంలో రూపొందుతున్న 'జవాన్‌' చిత్రాలు ఇప్పటికే ఈ తేదీపై కన్నేశాయి. ఇక బోయపాటి శ్రీను దర్శకత్వంలో బెల్లంకొండ సాయిశ్రీనివాస్‌ హీరోగా స్టార్‌ హీరోయిన్‌ రకుల్‌ ప్రీత్‌ సింగ్‌ హీరోయిన్‌గా నటిస్తోన్న 'జయ జానకీ నాయకా' కూడా విడుదల అని ప్రకటించేశారు. అంటే ఆ తేదీన ముగ్గురు యువహీరోల, ముగ్గురు టాలెంటెడ్‌ దర్శకుల చిత్రాల మద్య త్రిముఖ పోటీ తధ్యం అన్నట్లుగా పరిస్థితి మారింది. మరీ అదే తేదీపై గోపీచంద్‌ కూడ ఓ కన్నేస్తాడేమో చూడాల్సవుంది...!