ఐదేళ్ల క్రితం గోపీచంద్ - నయనతార జంటగా మొదలు పెట్టిన 'ఆరడుగుల బుల్లెట్' చిత్రం ఇప్పుడు ఇంతకాలానికి విడుదలకు నోచుకుంటుంది. మరి ఐదేళ్ల తర్వాత విడుదల చేస్తున్నారు కాబట్టి ఈ చిత్రానికి ఎలాగోకలా మంచి పబ్లిసిటీని పెంచేసి క్రేజ్ తీసుకురావాలని నిర్మాతలు భావిస్తున్నారట. అందుకే ఈ శుక్రవారం రాత్రి ఆడియో వేడుకని కాస్త ఘనంగానే చేశారు. అయితే 'ఆరడుగుల బుల్లెట్' లో హీరోగా నటిస్తున్న గోపీచంద్ ఈ వేడుకకి హాజరయ్యాడు.... కానీ హీరోయిన్ నయనతార మాత్రం ఎక్కడా కనబడలేదు. అయితే ఆమె సినిమాల్లో నటిస్తుంది కానీ ఇలాంటి పబ్లిసిటీ కార్యక్రమాలకు హాజరుకాదనేది అందరికి తెలిసిన విషయమే.
అయితే నయనతారతో ఎలాగైనా ఈ సినిమాకి పబ్లిసిటీ చేయించాలని అనుకున్న ఆరడుగుల.... నిర్మాతలు ఆమెని అప్రోచ్ అవ్వగా రెండు రోజులు హైద్రాబాద్ లో ఉండి మీడియాలో ఇంటర్వ్యూ లు గట్రా ఇవ్వడానికి ఆమె దాదాపు 30 లక్షలు అడిగిందని టాక్ బయటికి వచ్చింది. ఆ రెండు రోజులు ఖాళీ లేకుండా పబ్లిసిటీ చేసిపెట్టినందుకుగాను నయన్ ఆ ఛార్జ్ చేసిందట. మరి ఇప్పటికే పీకల్లోతు అప్పుల్లో వున్న నిర్మాతలు మళ్లీ నయన్ కోసం అంత ఖర్చు పెడతారా అనేది మాత్రం కాస్త డౌట్ గానే వుంది.