'లైఫ్‌ ఈజ్‌ బ్యూటి ఫుల్‌, ఎవడే సుబ్రహ్మణ్యం'లలో నటించి 'పెళ్లిచూపులు' చిత్రం ద్వారా బాగా ఫోకస్‌ అయిన హీరో విజయ్‌ దేవరకొండ. ప్రస్తుతం ఆయన 'అర్జున్‌ రెడ్డి' చిత్రం చేస్తున్నాడు. త్వరలో ఈ చిత్రం విడుదలకు సిద్దమవుతోంది. ఇక గీతా ఆర్ట్స్‌ బేనర్‌లో పరుశురామ్‌ దర్శకత్వంలో ఓ చిత్రం, నందిని రెడ్డి దర్శకత్వంలో సితార ఎంటర్‌టైన్‌మెంట్స్‌పై మరో చిత్రం ఒప్పుకున్నాడు. ఇంకా కొన్ని ప్రాజెక్ట్‌లు చర్చల దశలో ఉన్నాయి.
ఇక ఈయనకు ఎప్పటి నుంచో విమ్మి అనే గర్ల్‌ఫ్రెండ్‌ ఉంది. ఈమెను త్వరలోనే పెళ్లాడి ఒక ఇంటి వాడు కానున్నాడు. ఈ ఏడాదే వీరి వివాహం జరుగనుంది. ఇక నాని, ఎన్టీఆర్‌, రామ్‌ చరణ్‌లలాగా ఈ కుర్ర హీరోకు కూడా పెళ్లైన తర్వాత కెరీర్‌ మరింత స్పీడ్‌ అందుకుంటుందనే భావిద్దాం.