మహేష్‌-మురుగదాస్‌ల 'స్పైడర్‌' చిత్రం ఏడాదికి పైగా సాగుతూనే ఉంది. జనవరి, ఫిబ్రవరి, చివరకు వేసవి, ఆ తర్వాత జూన్‌23.. ఇలా అన్నీ పాయె. కానీ చిత్రం ఇప్పటివరకు పూర్తికాలేదు. క్లైమాక్స్‌ను మరలా చిత్రీకరిస్తున్నారట. ఇక మహేష్‌ కేవలం రెండు మూడు వారాలలో షూటింగ్‌ పూర్తిచేయమని డైరెక్టర్ కు వార్నింగ్‌ ఇచ్చాడని కూడా వార్తలు వచ్చాయి. ఇక అంతా ఈ చిత్రం ఆగష్టు11న విడుదలవుతుందనే ఆశతో ఉన్నారు.
కానీ విక్రమ్‌, అజిత్‌లు పోటీలో ఉండటంతో పాటు చిత్రం ఇంకా పూర్తిగా మహేష్‌కు నచ్చలేదనే ప్రచారం జరుగుతోంది. ఇక ఈ చిత్రం దసరా బరిలోకి దిగుతుందనే వార్తలు వస్తున్నాయి. మరోపక్క మహేష్‌ కోసం కొరటాల వెయిట్‌ చేస్తున్నాడు. మహేష్‌ డేట్స్‌ ఇచ్చిన మూడే మూడు నెలల్లో తన 'భరత్‌ అనే నేను' చిత్రం పూర్తి చేయాలనుకుంటున్నాడు. పనిలో పనిగా 2018 జనవరి11న ఈ కొరటాల-మహేష్‌ల చిత్రం విడుదల కానుందనే ప్రచారం జరుగుతోంది.
రెండు మూడేళ్ల ముందు వరకు మహేష్‌కు సంక్రాంతి బాగా కలిసొచ్చింది. 'ఒక్కడు, సీతమ్మవాకిట్లో సిరిమల్లె చెట్టు, బిజినెస్‌మేన్‌' వంటి చిత్రాలన్నీ మంచి విజయం సాధించాయి. కానీ '1' (నేనొక్కడితే)తో ఈ సెంటిమెంట్‌ బ్రేక్‌ అయింది. మరి 'స్పైడర్‌' పూర్తి కాకుండానే 'భరత్‌ అను నేను' గురించి మాట్లాడటమంటే గాసిప్పే అని అర్ధమవుతోంది.