బ్యాడ్మింటెన్ లో మాజీ నెంబర్ 1 సైనా నెహ్వాల్ గురించి చాలామందికి తెలుసు. బ్యాడ్మింటెన్ క్రీడాకారిణిగా ఆమె ఇండియాకి బోలెడన్ని మెడల్స్ తెచ్చిపెట్టింది. ఇక సైనా నెహ్వాల్ జీవితం గురించి పెద్దగా ఎవరికీ తెలియదు. అయితే సైనా జీవితం ఆధారంగా సినిమా తెరకెక్కించడానికి సన్నాహాలు జరుగుతున్నాయి. నిర్మాత భూషణ్ నిర్మాణ సారధ్యంలో అమోల్ గుప్త సైనా బయో పిక్ ని తెరకెక్కిస్తున్నట్లుగా ప్రచారం జరుగుతుంది. అయితే ఇప్పుడు సైనా నెహ్వాల్ పాత్రకి శ్రద్దా కపూర్ అయితే బావుంటుందని భావించిన దర్శకుడు ఆమెను అప్రోచ్ అవగా వెంటనే శ్రద్దా కపూర్ గ్రీన్ సిగ్నల్ ఇచ్చేసింది చెబుతున్నారు.
ఆమెకున్న పర్సనాలిటీ కి బ్యాడ్మింటెన్ క్రీడాకారిణిగా బాగుంటుందని సైనా కేరెక్టర్ ని ఆమె సమర్ధవంతంగా చేయగలదని భావించే శ్రద్ధ ను ఎంపిక చేశారని చెబుతున్నారు. ఇక శ్రద్ధ కపూర్ కూడా 'సైనా నెహ్వాల్ పాత్ర చేయడం చాలా అదృష్టంగా భావిస్తున్నాను. అమ్మాయిలు ప్రతి ఒక్కరు తమ జీవితంలో ఏదో ఒక దశలో బ్యాడ్మింటెన్ ఆడే ఉంటారు. సైనా ఒక క్రీడాకారిణి మాత్రమే కాదు ఎంతో మందికి ఇన్స్పిరేషన్ కూడ...' అని చెబుతుంది. అందుకే ఆ పాత్ర చెయ్యడానికి ఒప్పుకున్నానని చెప్పింది శ్రద్ధ కపూర్.