పవర్ స్టార్ పవన్ కళ్యాణ్ - త్రివిక్రమ్ కాంబినేషన్ లో తెరకెక్కుతున్న చిత్ర షూటింగ్ శరవేగంగా జరుపుకుంటుంది. ఈ చిత్రం మీద భారీ అంచనాలు నెలకొని ఉన్నారు. ఇప్పటివరకు వీరి కాంబినేషన్ లో వచ్చిన 'జల్సా, అత్తారింటికి దారేది' చిత్రాలు సూపర్ హిట్ అవడంతో ఇప్పుడు ఈ కాంబినేషన్ మీద రోజురోజుకి అంచనాలు పెరిగిపోతున్నాయి. ఈ చిత్రంలో పవన్ కళ్యాణ్ సాఫ్ట్ వెర్ ఇంజినీర్ గా కనబడతాడని ప్రచారం జరుగుతుంది. ఇక ఈ చిత్రంలో పవన్ కి జోడిగా కీర్తి సురేష్, అను ఇమ్మాన్యువల్ లు మొదటిసారిగా నటిస్తుండగా... సీనియర్ నటి ఖుష్బూ కీలక పాత్రలో నటిస్తుంది.
అయితే త్రివిక్రమ్ - పవన్ చిత్రంలో రొమాన్స్, కామెడీ, యాక్షన్ కలగలిపిన ఈ చిత్రానికి కామెడికే పెద్ద పీట వేస్తున్నట్లు... ప్రచారం మొదలైంది. సీరియస్ పాయింట్‌కి కూడా కామెడీ కోటింగ్ ఇచ్చి స్వీట్‌గా చెప్పడంలో త్రివిక్రమ్ స్పెషలిస్ట్. ఇక ఈ చిత్రానికి పవన్ చేసే కామెడీ హైలెట్ గా ఉండబోతుందని చెబుతున్నారు. ఇప్పటికే జల్సాలో, అత్తారింటికి దారేది లో పవన్ చేసిన కామెడీ మీకు గుర్తుండే ఉంటుంది. ఇక ఈ చిత్రంలో కూడా పవన్ కామెడీతో పిచ్చెక్కిచ్చేస్తాడన్నమాట.