ఎప్పుడైతే పూరీ 'రోగ్‌' చిత్రం వేడుకలో సన్నిలియోన్‌ చిందేసిందో అప్పటి నుంచి ఓ వార్త హల్‌చల్‌ చేస్తోంది. పూరీ చిత్రాలంటే అందులో ఐటం సాంగ్స్‌ అద్భుతంగా ఉండి సినిమాకు స్పెషల్‌ అట్రాక్షన్‌గా నిలుస్తాయి. ఇక 'పోకిరి'లో ముమైత్‌ఖాన్‌ పాట గురించి చెప్పాల్సిన పనిలేదు. పూరీ దర్శకత్వానికి భాస్కరభట్ల పాట తోడైతే ఆ చిత్రంలో ఐటం అదిరిపోతుంది. కాగా ప్రస్తుతం పూరీ బాలయ్యతో 101వ చిత్రాన్ని జెట్‌ స్పీడ్‌తో తీస్తున్న సంగతి తెలిసిందే. కాగా ఈ చిత్రంలో నటించబోయే హీరోయిన్ల విషయంలో ఇంకా క్లారిటీ రాలేదు. మెయిన్‌ హీరోయిన్‌గా తమన్నా లేదా కాజల్‌ను తీసుకునే ఉద్దేశ్యం ఉందంటున్నారు. మరోపక్క సెకండ్‌ హీరోయిన్‌గా ఓ ముంబై మోడల్‌ను పరిచయం చేయాలని పూరీ భావిస్తున్నాడు.
ఈమధ్యకాలంలో బాలయ్య చిత్రాలలో 'గౌతమీపుత్ర శాతకర్ణి' తప్పితే మిగిలిన ఎక్కువ చిత్రాలలో బాలయ్య ఇద్దరు వీలుంటే ముగ్గురితో రొమాన్స్‌ చేయడం సహజంగా మారింది. దీంతో ఈ చిత్రంలో కూడా ఇద్దరు హీరోయిన్స్‌ ఉంటారని కన్‌ఫర్మ్‌గా తెలుస్తోంది. ఇక ఈ చిత్రంలో బాలయ్య సరసన ఓ ఐటం సాంగ్‌లో పూరీ.. సన్నిలియోన్‌ చేత చిందేయించనున్నట్లు ప్రచారం జరుగుతోంది. ఆమె ఇప్పటికే తెలుగులో మంచు మనోజ్‌తో 'కరెంటుతీగ'లో నటించింది. కానీ ఆ చిత్రం సన్నికి ఎలాంటి పేరు తేలేదు. ఇక ప్రస్తుతం తెరకెక్కుతోన్న ప్రవీణ్‌సత్తార్‌-రాజశేఖర్‌ల చిత్రంలో కూడా సన్ని చిందేయనుంది.
ఆమెకు బాలీవుడ్‌లోలాగా టాలీవుడ్‌లో పేరు రావడానికి ... తనపై ఉన్న పోర్న్‌స్టార్‌ అనే చెడ్డ పేరును పక్కన పెట్టడానికి ఇదో మంచి అవకాశం అవుతుంది. సన్నిలియోన్‌.. బాలయ్య-పూరీల చిత్రంలో కన్‌ఫర్మ్‌ అయితే ఇక ఆమె హవా టాలీవుడ్‌లో కూడా మొదలవుతుందని చెప్పవచ్చు. అయితే ఈచిత్రంలో సన్నిని కేవలం ఐటం పాటకే పరిమితం చేస్తారా? లేక మంచి క్యారెక్టర్‌ కూడా ఇస్తారా? అనే ఆసక్తికర చర్చ నడుస్తోంది.