కోర్టు కూడా వారిని విడదీసింది..!

ఏరికోరి ప్రేమించి పెళ్లాడిన అమలాపాల్ - విజయ్ లు రెండేళ్లు తిరక్కుండానే విడాకులు కావాలంటూ కోర్టు మెట్లెక్కారు. ఇక అసలు తప్పు ఎవరివైపు ఉందొ స్పష్టం గా ఎవరికీ తెలియదుగాని వీరిరువురు తమకు విడాకులు కావాలనే పట్టుదల మీద ఉండి ఎట్టకేలకు వాటిని సాధించుకున్నారు. అమల భర్త విజయ్ ఇప్పటివరకు ఈ విడాకుల విషయమై ఎక్కడా స్పందించలేదు గాని... అమల మాత్రం తాను పెళ్లి అనే పెద్ద సమస్య నుండి బయట పడ్డానని చెప్పుకుంటుంది. తనకు తన కెరీర్ ముఖ్యమని... పెళ్లి ముఖ్యం కాదని తేల్చేసింది. ఇక విడాకుల వ్యవహారం తెరమీద కొచ్చాక అమల పాల్ కి అదృష్టం ఒకేసారి తలుపుతట్టి కెరీర్ లో బిజీ అయిపొయింది. అవకాశాల మీద అవకాశాలు అందుకుంటూ తమిళ్ లో చక్రం తిప్పడానికి రెడీ అయ్యింది.