హిట్ డైరెక్టర్స్ వెంటపడుతున్న టాప్ హీరోలు!

ఒకప్పుడు ఒక డైరెక్టర్ హీరో కోసం కథ తయారు చేసుకుని ఆ హీరో డేట్స్ కోసం పడిగాపులు పడేవారు. కానీ ట్రెండ్ మారింది ఇప్పుడు డైరెక్టర్స్ కోసం కొంతమంది హీరోలు తెగ వెంపర్లాడుతున్నారు. ఏదైనా ఒక సినిమా హిట్ అయ్యింది అంటే ఆ సినిమాలో నటించిన హీరోతో పాటు ఆ డైరెక్టర్ కి కూడా విపరీతమైన క్రేజ్ వచ్చేస్తుంది. ఇంకేమిటి ఆ డైరెక్టర్ వెనుక హీరోలు పడడం అనేది సాధారణ విషయమైపోయింది. అసలిప్పటికే ఎన్టీఆర్ హిట్ డైరెక్టర్స్ వెనకపడతాడనే పేరుంది. కొన్నిసార్లు ఎన్టీఆర్ అలోచించి మరి..చాలాసార్లు హిట్ డైరెక్టర్స్ ను ఏరి కోరి తన సినిమాలకు డైరెక్టర్ గా ఎంపిక చేసుకునేవాడు. ఇప్పటికే డైరెక్టర్స్ గా టాలీవుడ్ లో రాజమౌళికి, త్రివిక్రమ్ శ్రీనివాస్ కి, కొరటాల శివ కి పిచ్చ క్రేజ్ వుంది. వీరు ఇప్పటికే హీరోలతో సమానంగా రెమ్యునరేషన్ తీసుకుంటూ నిత్యం వార్తల్లో కెక్కుతున్నారు. ఈ డైరెక్టర్స్ తో సినిమాలు చెయ్యడానికి హీరోలు చాలామందే వెయిట్ చేస్తున్నారు.