బాలీవుడ్ అందాల తార ఐశ్వర్య రాయ్ ఆత్మహత్య చేసుకుందా!? అమ్మో ఇలాంటి పుకారు ఎప్పుడూ వినివుండరేమో. అలాంటి ఘోరమైన పుకారు ఇప్పుడు సోషల్ మీడియాలో తెగ హల్ చల్ చేస్తుంది. నిన్న ఆదివారం మాజీ మిస్ ఇండియా, ఒకప్పటి బాలీవుడ్ టాప్ హీరోయిన్ ఐష్ ఆత్మహత్య చేసుకుందనే పుకారు ఇప్పుడు సంచలనంగా మారింది. ఏ దిల్ హై ముష్కిల్ చిత్రంలో ఐశ్వర్య...రణబీర్ తో హద్దులు దాటి రొమాన్స్ చెయ్యడం వల్ల అమితాబ్ ఫ్యామిలీతో ఐష్ కి విభేదాలొచ్చాయని... ఆమెకు కుటుంబంతో వచ్చిన విభేదాలను తట్టుకోలేక ఐశ్వర్య రాయ్ ఆత్మహత్య చేసుకుందని అబ్బో చాలానే వార్తలు సోషల్ మీడియాలో తెగ పుకార్లు చేశాయి.
అలాగే భర్త అభిషేక్ తో కూడా ఐష్ కి గొడవలు జరుగుతున్నాయని... ఈ మానసిక వత్తిడిని తట్టుకోలేక ఐష్ అంత పని చేసిందని కొంతమంది ఆకతాయిలు రూమర్స్ క్రియేట్ చేశారు. మరి ఈ పుకార్లకు ఐష్ ఏ విధంగా సమాధానం చెబుతుందో తెలియదు గాని ఇలాంటి పుకార్లు మాత్రం వారిని తీవ్ర ఇబ్బందులకు గురి చేసే అవకాశం ఉందని సినీ పండితులు అభిప్రాయపడుతున్నారు. అసలు బాలీవుడ్ తారలపై ఇలాంటి పుకార్లు కొత్త కాదు. కానీ మరీ ఐష్ ఇలా చిన్న కారణానికే ఆత్మహత్య చేసుకుందనే పుకారుని మాత్రం ఆమె అభిమానులు జీర్ణించుకోలేకపోతున్నారు.