ప్రస్తుతం నందమూరి కళ్యాణ్‌రామ్‌ స్వీయ నిర్మాణంలో తానే హీరోగా పూరీజగన్నాద్‌తో చేస్తున్న చిత్రం 'ఇజం'. కాగా ఈ చిత్రాన్ని మొదట సెప్టెంబర్‌29న రిలీజ్‌ చేయాలని భావించారు. కానీ ఆ తర్వాత దసరా కానుకగా అక్టోబర్‌7న విడుదల అవుతుందని మాట ఇచ్చారు. అయితే ఈ చిత్రం దసరాకు వచ్చే అవకాశాలు కనిపించడం లేదు. ఇటీవలే ఈ చిత్రం రషెష్‌ చూసిన కళ్యాణ్‌రామ్‌, పూరీలకు ఇందులోని కొన్ని సీన్స్‌ బాగా రాలేదని అనిపించడంతో.. అసంతృప్తిని కలిగించిన సీన్స్‌ను మరలా రీషూట్‌ చేయనున్నారు. మొత్తానికి యూనిట్‌ను నిరాశపరిచిన ఈ సన్నివేశాలు తిరిగి రీషూట్‌ అవసరం కావడంతో ఈ చిత్రం దసరాకు కాకుండా దీపావళి కానుకగా ప్రేక్షకుల ముందుకు తీసుకొచ్చే ప్రయత్నాలు చేస్తున్నారు. సేమ్ ఇదే విధంగా రామ్ చరణ్ నటిస్తున్న 'ధృవ' కూడా పోస్ట్ పోన్ అయినా విషయం తెలిసిందే.