ఈమధ్య కాలంలో 'పెళ్ళి చూపులు' చిత్రం సృష్టించిన సంచలనం అంతా ఇంతా కాదు. చిన్న చిత్రంగా వచ్చిన ఈ చిత్రం అతిపెద్ద హిట్‌గా నిలిచింది. దీంతో ఈ చిత్రంలో నటించిన నటీనటులకు కూడా మంచి మంచి ఆఫర్లు వస్తున్నాయి. ఇక ఈ చిత్రంలో తనదైన బాడీలాంగ్వేజ్‌తో అందరినీ ఆకట్టుకున్న విజయ్‌ దేవరకొండకు వరుస ఆఫర్లు వస్తున్నాయి. తాజాగా రొమాంటిక్‌ చిత్రాలతో తనకంటూ ఓ గుర్తింపు తెచ్చుకున్న లేడీ డైరెక్టర్‌ నందినిరెడ్డి దర్శకత్వంలో రూపొందే చిత్రంలో... ఆమె హీరోగా విజయ్‌ దేవరకొండను తీసుకుందని సమాచారం. ఇక ఈ చిత్రంలో ఆయన సరసన 'ఎవడే సుబ్రహ్మణ్యం, కళ్యాణ వైభోగమే' చిత్రాల హీరోయిన్‌ మాళవిక నాయర్‌ నటించనుంది. కాగా ఈ చిత్రాన్ని వైజయంతీ బేనర్‌లో రూపొందనుంది. మొత్తానికి ఇది విజయ్‌ దేవరకొండకే కాదు.... నందిని రెడ్డికి బెస్ట్‌ చాన్స్ అనుకోవాలి.