తన ప్రేమ విషయంలో ఎన్ని సార్లు వివాదాలు రేగుతున్నా తన సినిమా కెరీర్ ను మాత్రం చాలా పద్ధతి ప్రకారం ప్లాన్ చేసుకుంటూ పోతుంది సౌత్ఇండియన్ బ్యూటీ నయనతార. కానీ ఈ మధ్య ఆమె నటించిన తిరునాళ్ చిత్రం సరిగ్గా ఆడక ఓ పక్క తెగ ఫీలై పోతుంటే, మరో పక్క ఈ సినిమాలో ఉన్న ఓ సన్నివేశం మాత్రం ఆమెను తీవ్రంగా ఇబ్బందుల పాలుచేస్తుంది. అదేంటంటే తిరునాళ్ లోని ఓ సన్నివేశంలో స్కూల్ పిల్లలకు చాక్లెట్స్ లాంటి గిఫ్ట్స్ ఇస్తూ పిల్లలందరినీ తమ బుగ్గపై ముద్దులు పెట్టించుకుంటుంది. అందరూ అలాగే బుగ్గపై పెడుతుంటే ఓ కొంటె పిల్లగాడు మాత్రం ఆమె అందమైన ముఖాన్ని తమ చేతుల్లోకి తీసుకొంటాడు. ఆ తర్వాత వాడి పెదాలను ఆమె పెదవులపై ఆనించినట్లుగా కిస్ చేయడంతో నయనతార ఒక్కసారిగా బిత్తర పోయినట్లుగా ముఖం పెడుతుంది. ఇక్కడ వచ్చింది అసలు తంటా. ఈ విషయం ఇప్పుడు తమిళనాడులో వివాదం రేపుతుంది. పిల్లలు ఓ హీరోయిన్ ను లిప్ లాక్ చేస్తున్న సన్నివేశాన్ని తొలగించాలంటూ పెద్ద ఎత్తున ఉద్యమిస్తున్నారు. ఈ విషయంలో చైల్డ్ రైట్ యాక్టివిస్టులు, మహిళా సంఘాలు తీవ్రంగా ఫైట్ చేస్తున్నాయి.
ఈ విషయంపై నయనతార స్పందిస్తూ ఆ పిల్లగాడు అలా చేస్తాడని ముందు తనకు ఏ మాత్రం తెలియదని, అనుకోకుండా జరగడంతో అలా సన్నివేశాన్ని కంటిన్యూ చేశారని చెప్తుందీ భామ. సరే ఆ విధంగా కూడా మూవీ బాగా ప్రచారమై, ప్రత్యేకంగా ఆ సన్నివేశం కోసమే ఆ సినిమా థియేటర్లలో జనాలు కళకళలాడుతున్నారని తెలుస్తుంది.