చిరంజీవి గారి 150వ సినిమాగా తమిళ హిట్ కత్తి తెలుగు రీమేక్ తొందరలోనే సెట్స్ మీదకి వెళ్లనుంది. దర్శకుడు వీవీ వినాయక్ గారు, నిర్మాత రామ్ చరణ్ గారు అన్నింటా ఈ చిత్రం నెంబర్ 1గా ఉండాలన్న తపనతో పని చేస్తున్నారు. కమర్షియల్ విలువలతో పాటుగా మంచి సందేశం ఉంది కాబట్టే ఈ స్క్రిప్టుని మెగా స్టార్ ఒప్పుకున్నారని ముందే చెప్పుకున్నాం. ఒప్పుకోవడమే కాకుండా తన వంతుగా క్యారెక్టర్ పండడం కోసం రకరకాల గెటప్పులు కూడా ట్రై చేస్తున్నారు. రెండు రోజుల క్రితం చిరంజీవి గారు హాజరయిన ఓ ముఖ్యమైన ఫంక్షన్లో ఇదిగో ఇలా మీసం మెలేసి కనిపించారు. సాధారణంగా ఈయన గారు ఎప్పుడో ఇంద్ర, స్నేహం కోసం సమయంలో ఒక్కసారో, రెండు సార్లో తప్ప పెద్దగా మీసం పెంచి, దాన్ని మెలేయడం చూడలేదు. కాబట్టి ఈ అవతారం కత్తి కోసమే అని అభిమానులు ఫిక్స్ అయిపోయారు. కత్తి కథలో హీరో డ్యుయల్ రోల్స్ చేయాల్సి ఉంటుంది. అందులో ఒకటి కమ్యూనిస్ట్ భావజాలంతో ప్రజలకు మంచి చేయాలనుకునే క్యారెక్టర్. ఇక చిరు మీసం వెనక కథ ఈ పాత్ర కోసమేనని గట్టిగా అనేసుకోవచ్చు.