తాగుబోతు రమేష్‌ మనకు కేవలం కమెడియన్‌గా మాత్రమే తెలుసు. కానీ అతనిలోని రచన, దర్శకత్వం వంటి టాలెంట్స్‌ గురించి మాత్రం ఎవ్వరికీ తెలియదు. ఆయన కూడా ఈ విషయాన్ని ఎప్పుడూ బయటపెట్టలేదు. ఏకంగా ఆ ఓ షార్ట్‌ ఫిల్మ్‌ తీసి చూపించాడు. ఎన్టీఆర్‌ హీరోగా సుకుమార్‌ డైరెక్షన్‌లో వచ్చిన 'నాన్నకు ప్రేమతో' చిత్రం షూటింగ్‌ చాలారోజులు స్పెయిన్‌లో జరిగింది. ఆ సమయంలో రమేష్‌కు ఓ ఐడియా రావడం, వెంటనే స్క్రిప్ట్‌ రెడీ చేయడం షూటింగ్‌ పూర్తి చేయడం వంటివి చకచకా జరిగిపోయాయి. 'ఐ నో' (నాకు తెలుసు) అనే పేరుతో ఆయన ఈ షార్ట్‌ ఫిలిం తెరకెక్కించాడు. ఆయన మాట్లాడుతూ.. సినిమా షూటింగ్‌లో స్పెయిన్‌లో ఉండగా ఒక చిన్న ఐడియా తట్టింది. దీన్ని కథగా మలిచి రెండురోజుల్లో చిన్నషార్ట్‌ఫిల్మ్‌ తీశాను. మా ఈ చిన్న ప్రయత్నం మీకు నచ్చుతుందనే ఆశిస్తున్నాను... అని తెలిపాడు తాగుబోతు రమేష్‌. ఈ షార్ట్‌ఫిలింకు స్టోరీ, స్క్రీన్‌ప్లే, దర్శకత్వం బాధ్యతలు తాగుబోతు రమేష్‌ స్వయంగా చేపట్టాడు.