'కుమారి 21ఎఫ్‌' మూవీలో జంటగా నటించిన రాజ్‌తరుణ్‌, హేబా పటేల్ తెరపై రొమాంటిక్‌ పర్ఫార్మెన్స్‌తో ప్రేక్షకులను ఆకట్టుకోవడంలో సక్సెస్ అయ్యారు. దీంతో ఈ ఇద్దరి కాంబినేషన్‌లో మరో సినిమా ఖరారైందని సమాచారం. విషయానికి వస్తే దర్శకుడు జి.నాగేశ్వర్‌రెడ్డి దర్శకత్వంలో ఓ చిత్రం రూపొందుతోంది. ఇందులో మంచు విష్ణుతోపాటు రాజ్‌తరుణ్‌ కూడా హీరోగా నటిస్తున్నాడు. ఏకే ఎంటర్‌టైన్‌మెంట్స్‌ పతాకంపై అనిల్‌సుంకర ఈ చిత్రాన్ని నిర్మిస్తున్నాడు. మొదట రాజ్ తరుణ్ సరసన అవికా గోర్ ను ఎంపిక చేసారు. కాని 'కుమారి 21ఎఫ్‌'లో హేబా పటేల్ పెర్ఫార్మెన్స్‌ చూసి ఇంప్రెస్‌ అయిన దర్శకనిర్మాతలు ఈ సినిమాలో ఆమెకు చాన్స్‌ ఇచ్చారు. మరోసారి జత కడుతున్న ఈ హిట్ కాంబినేషన్ ఎంత పెద్ద సక్సెస్ అవుతుందో.. వేచి చూడాల్సిందే..!