నిర్మాత డివివి దానయ్య నిర్మాణంలో రామ్‌చరణ్‌ హీరోగా ఇటీవల విడుదలై డిజాస్టర్‌గా నిలిచిన చిత్రం 'బ్రూస్‌లీ'. ఈచిత్రం డి.వి.వి. ఎంటర్‌టైన్‌మెంట్స్‌పై నిర్మితమై దసరా కానుకగా అక్టోబర్‌ 16న విడుదలైంది. మార్నింగ్‌ షోకే ఈ చిత్రానికి అట్టర్‌ఫ్లాప్‌ టాక్‌ వచ్చిన సంగతి తెలిసిందే. ఈ చిత్రం కేరళలో భారీగా అంటే 60థియేటర్లలో నవంబర్‌ 27న విడుదలైంది. మలయాళంలోనూ అదే టైటిలను పెట్టారు. కాగా ఈ చిత్రాన్ని తమిళంలో అనువాద హక్కులను తీసుకున్న భద్రకాళి ఫిల్మ్స్‌ వారే మలయాళంలో కూడా విడుదల చేశారు, ఈచిత్రానికి మలయాళంలో కూడా ఫ్లాప్‌టాక్‌ వచ్చింది. రెండో రోజు నుండే థియేటర్లు ఖాళీగా ఉండిపోయాయి. తెలుగులో ఆల్‌రెడీ ఫ్లాప్‌ టాక్‌ రావడంతో ఈ చిత్రానికి మలయాళంలో కూడా ఎలాంటి హైప్‌ రాలేదు. మరి ప్రింటు ఖర్చులైన వస్తాయో లేదో చూడాలి...!