బెంగాల్ టైగర్ పవర్ ఇది!

శ్రీసత్యసాయి ఆర్ట్స్‌ పతాకంపై రవితేజ, తమన్నా, రాశిఖన్నా ముఖ్యపాత్రల్లో 'బెంగాల్‌టైగర్‌' రూపొందుతున్న సంగతి తెలిసిందే. సంపత్‌నంది డైరెక్షన్‌లో కె.కె.రాధామోహన్‌ నిర్మాతగా ఈ చిత్రం తెరకెక్కుతోంది. కాగా ఈ చిత్రాన్ని ఈనెల 27న కాకుండా డిసెంబర్‌ 10న విడుదల చేయడానికి ప్లాన్‌ చేసిన విషయం తెలిసిందే. కాగా ఈ చిత్రం శాటిలైట్‌ రైట్స్‌ 7.6కోట్ల రికార్డు రేటు పలికింది. తెలుగులో ఓ లీడింగ్‌ చానెల్‌ ఈ చిత్రం రైట్స్‌ను సొంతం చేసుకుంది. రిలీజైన రెండు నెలల లోపే ఈ చిత్రం టీవీ చానెల్‌లో వేయడానికి అగ్రిమెంట్‌ రాసుకున్నట్లు సమాచారం. 'కిక్‌2' వంటి డిజాస్టర్‌ చిత్రం తర్వాత కూడా ఈ స్థాయి రేటు రావడం మామూలు విషయం కాదని ట్రేడ్‌లో వినిపిస్తోంది.