లోకనాయకుడు కమల్‌హాసన్‌కు తెలుగులో కూడా ఎంతో క్రేజ్‌ ఉంది. ఆయన చిత్రాలు ఎలా ఉన్నా... వాటిని చూసి అందులోని కమల్‌ నటనను చూడాలనుకునే వారికి ఇక్కడ కొదవలేదు. కాగా ఆయన నటిస్తున్న తాజా చిత్రం చీకటిరాజ్యం. ఈ చిత్రంలో కమల్‌హాసన్‌, త్రిష, ప్రకాష్‌రాజ్‌లు ముఖ్యపాత్రలు పోషించారు. తమిళంలో ఈ చిత్రం తూంగవనం గా రూపొందింది. ఈ ద్విభాషా చిత్రాన్ని తమిళ, తెలుగు భాషల్లో ఏకకాలంలో నవంబర్‌ 10వ తేదీన దీపావళి కానుకగా విడుదల చేయనున్నారు. రాజ్‌కమల్‌ ఫిల్మ్‌ ఇంటర్నేషనల్స్‌ పతాకంపై ఈ చిత్రాన్ని కమల్‌ సోదరుడు చంద్రహాసన్‌ నిర్మిస్తుండగా, కమల్‌ వద్ద దర్శకత్వ శాఖలో పనిచేసిన రాజేష్‌. ఎం. సెల్వం దర్శకత్వం వహిస్తున్నాడు. కాగా ఆ మరుసటి రోజే అంటే నవంబర్‌ 11న అక్కినేని అఖిల్‌ హీరోగా తెరంగేట్రం చేస్తోన్న అఖిల్‌ మూవీ తెలుగు, తమిళంలో రిలీజ్‌ కానుంది. సో.. లోకనాయకుడుని యంగ్‌ హీరో ఎలా ఎదుర్కొని బాక్సాఫీస్‌ వద్ద సందడి చేస్తాడో చూడాలని అందరూ వేచిచూస్తున్నారు.