నాగార్జున-అనుష్కలది సూపర్‌హిట్‌ కాంబినేషన్‌. గతంలో వీరు 'సూపర్‌, డాన్‌, ఢమరుకం, రగడ' వంటి పలు చిత్రాల్లో నటించారు. కాగా ప్రస్తుతం నాగార్జున -కార్తీ కాంబినేషన్‌లో తెరకెక్కుతోన్న మల్టీస్టారర్‌ చిత్రం షూటింగ్‌ వేగంగా జరుగుతోంది. ఈ చిత్రానికి 'దోస్త్‌' లేదా 'మిత్రుడు' అనే టైటిల్స్‌ను పరిశీలిస్తున్నారు. తమిళ, తెలుగు భాషల్లో ఏకకాలంలో రూపొందుతున్న ఈ చిత్రాన్ని పివిపి సంస్థ నిర్మిస్తుండగా, వంశీపైడిపల్లి దర్శకత్వం వహిస్తున్నాడు. ఇందులో తమన్నా హీరోయిన్‌గా నటిస్తోంది. కాగా ఈ చిత్రంలో కీలకమైన ఓ అతిథి పాత్రను అనుష్క పోషిస్తోంది. దీనికి సంబంధించిన షూటింగ్‌ పార్ట్‌ పూర్తయినట్లు సమాచారం. దీనికి బదులుగా అన్నట్లు అనుష్క నటిస్తోన్న 'సైజ్‌జీరో' చిత్రంలో నాగ్‌ గెస్ట్‌ అప్పీరియన్స్‌ ఇవ్వనున్నాడు...!