ఎలాంటిపాత్రనైనా తన విలక్షణ నటనతో రక్తికట్టించగల నటుల్లో ఒకరు ప్రకాష్‌రాజ్‌. తాజాగా ఆయన తనకెంతో ఇష్టమైన ‘కాంజీవరం’ లాంటి సినిమాను తనకు అందించిన ప్రముఖ దర్శకుడు ప్రియదర్శన్‌ దర్శకత్వంలో ఓ సినిమా చేయనున్నాడు. కోలీవుడ్‌, బాలీవుడ్‌లో మంచి పేరు తెచ్చుకున్న ప్రియదర్శన్‌ ప్రకాష్‌రాజ్‌తో చేయబోయే చిత్రాన్ని నాలుగు భాషల్లో ఏకకాలంలో తెరకెక్కించనున్నాడు. ఈ చిత్రం ఎయిడ్స్‌ రోగం చుట్టూ తిరుగుతుంది. సబ్జెక్ట్‌ సీరియస్‌దే అయినా తనదైన కామెడీ టచ్‌తో ఈ చిత్రాన్ని ప్రియదర్శన్‌ తెరకెక్కించి అందరినీ ఆలోచింపజేసే విధంగా తీయనున్నాడు. కాగా ఇందులో మరో కీలకపాత్రను శ్రేయారెడ్డి చేస్తోంది.