తన కెరీర్‌లోనే నందమూరి కళ్యాణ్‌రామ్‌ అతి పెద్ద హిట్‌ను ఈ ఏడాది ‘పటాస్‌’ ద్వారా సాదించాడు. కాగా ఆయన తాజాగా నటిస్తున్న ‘షేర్‌’ చిత్రం షూటింగ్‌ కూడా పూర్తయింది. ఈ చిత్రానికి మల్లికార్జున దర్శకుడు. సోనాల్‌చౌహాన్‌ ఇందులో కళ్యాణ్‌రామ్‌కు హీరోయిన్‌గా నటించనుంది. ఈ చిత్రంలో బ్యాలెన్స్‌ ఉన్న ఒకే ఒక్కపాటను ఈనెల 11 నుండి మలేషియాలో చిత్రీకరించనున్నారు. ఇక నందమూరి కళ్యాణ్‌రామ్‌ తానే నిర్మాతగా ఎన్టీఆర్‌ ఆర్ట్స్‌ పతాకంపై తొలిసారిగా బయటిహీరో రవితేజతో ‘కిక్‌2’ చిత్రం చేస్తోన్న సంగతి తెలిసిందే. ఈ చిత్రానికి కళ్యాణ్‌రామ్‌ దర్శకునిగా ఇండస్ట్రీకి పరిచయం చేసి నేడు టాప్‌ డైరెక్టర్‌గా వెలుగొందుతున్న సురేందర్‌ రెడ్డి ఈ చిత్రానికి దర్శకుడు. భారీ బడ్జెట్‌తో రూపొందుతున్న ఈ చిత్రాన్ని ‘కిక్‌2’ చిత్రానికి అటుఇటుగా ‘షేర్‌’ విడుదల చేయనున్నాడు. ఈ రకంగా చూస్తే కళ్యాణ్‌రామ్‌కు హీరోగా, నిర్మాతగా ఆగష్టు నెల చాలా కీలకమైనది అని చెప్పవచ్చు. ‘షేర్‌’తో మరలా హిట్‌ కొట్టి ‘పటాస్‌’ విజయం గాలివాటంగా రాలేదని, అలాగే ‘కిక్‌2’ను కూడా అభిరుచికి తగ్గట్లుగా తీశాడనే పేరు ప్రఖ్యాతలు తెచ్చుకుంటాడో లేదో వేచిచూడాల్సివుంది..!