'ఐ'తో ప్రేక్షకులను పూర్తిగా నిరాశపరిచిన విక్రం మరో సినిమా విడుదలకు సిద్ధమవుతున్నాడు. ప్రముఖ దర్శకుడు మురుగదాస్‌ నిర్మాణంలో సినిమాటోగ్రాఫర్‌ విజయ్‌మిల్టన్‌ దర్శకత్వంలో విక్రం ఓ సినిమాలో నటిస్తున్న సంగతి తెలిసిందే. ఓ రోడ్‌ థ్రిల్లర్‌ కథాంశంతో తెరకెక్కుతున్న '10 ఎంద్రకుల్ల'లో విక్రం సరసన సమంతా హీరోయిన్‌గా నటిస్తోంది. ఈ సినిమా షూటింగ్‌ ప్రస్తుతం శరవేగంగా కొనసాగుతోంది. 'ఐ' సినిమా కోసం దాదాపు రెండేళ్లపాటు ప్రేక్షకులకు దూరంగా ఉన్న విక్రం ఇక తన సినిమాల జోరు పెంచే యోచనలో ఉన్నారు.
మరోవైపు '10 ఎంద్రకుల్ల' రిలీజ్‌ డేట్‌ను కూడా ఈ సినిమా యూనిట్‌ నిర్ణయించేసినట్లుగా వార్తలు వెలువడుతున్నాయి. అక్టోబర్‌ 2న ఈ సినిమాను ప్రేక్షకుల ముందుకు తీసుకురానున్నారు. 10 ఎంద్రకుల్ల అంటే 10 లెక్కపెట్టేలోపు అనే అర్థం వస్తుంది. ఈ టైటిల్‌ ప్రకటించిననాటినుంచే ఈ సినిమాపై ప్రేక్షకుల్లో అంచనాలు పెరిగిపోయాయి. మరోవైపు 'ఐ' తర్వాత వస్తున్న సినిమా కావడంతో ప్రేక్షకుల అంచనాలు రెట్టింపయ్యాయి. మరి '10 ఎంద్రకుల్ల'తోనైనా విక్రం ప్రేక్షకులను అలరిస్తాడా లేదా అన్నది