రామ్‌చరణ్‌ టైటిల్‌ ఖరారైందా..?

ప్రస్తుతం రామ్‌చరణ్‌ హీరోగా శ్రీనువైట్ల దర్శకత్వంలో రకుల్‌ప్రీత్‌ సింగ్‌ హీరోయిన్‌గా డి.వి.వి.దానయ్య నిర్మిస్తున్న చిత్రం షూటింగ్‌ వేగం పుంజుకొంది. నిన్నటివరకు యూరప్‌లో పాటల చిత్రీకరణలో బిజీగా ఉన్న ఈ చిత్రం ప్రస్తుతం హైదరాబాద్‌లో షూటింగ్‌ జరుపుకుంటోంది. కాగా ఈ చిత్రానికి మొదట్లో ‘మై నేమ్‌ ఈజ్‌ రాజు’ అనే టైటిల్‌ ప్రచారంలోకి వచ్చింది. తాజాగా ‘బ్రూస్‌లీ’ అనే టైటిల్‌ కూడా బాగా ప్రచారంలోకి వచ్చింది. ఇక ఈ చిత్రానికి ‘బ్రూస్‌లీ’ అనే టైటిలే కన్‌ఫర్మ్‌ అయినట్లు సమాచారం. ఈ చిత్రంలో రామ్‌చరణ్‌ కీలక సాహసాలు చేసే స్టంట్‌మేన్‌గా నటిస్తుండటంతో ఈ టైటిల్‌ రామ్‌చరణ్‌ సినిమాకు పర్‌ఫెక్ట్‌గా సూటవ్వుతుందని భావిస్తున్నారట...!