సాధారణంగా మన హీరోలు వయసు పైబడిన తర్వాత కూడా తమ వయసుకు తగ్గ పాత్రలు చేయకుండా కుర్రహీరోయిన్లతో చెట్లుపుట్టల వెంట డ్యూయెట్స్‌ పాడుకుంటూ ఉంటారు. కానీ ఈ ట్రెండ్‌ను చిరంజీవి బ్రేక్‌ చేయనున్నాడని సమాచారం. మెగాస్టార్‌ చిరంజీవి హీరోగా ఆయన 150వ చిత్రంగా పూరీజగన్నాథ్‌ దర్శకత్వంలో రూపొందనున్న ‘ఆటోజానీ’ చిత్రంలో ఫస్టాఫ్‌లో చిరు పాత్ర 40ఏళ్ల బ్రహ్మచారిగా సాగుతుందని, ఆ వయసులో ఆయన వివాహం కోసం, అమ్మాయిని వెతికేందుకు నానా ఇబ్బందులు పడుతుంటాడట. అంటే దాదాపు పెళ్లికాని ప్రసాద్‌ పాత్ర తరహాలో ఈ పాత్ర ఉంటుందని సమాచారం. ఈ పాత్రలో చిరు ఫుల్‌ కామెడీ చేయనున్నాడట. ఇందుకోసం చిరు పూరిని పర్సనల్‌గా కలిసి ఫన్‌సీన్స్‌, డైలాగులు రాయించుకుంటున్నాడని సమాచారం.