మంచు మనోజ్‌ వివాహం ప్రణతిరెడ్డితో మే 20న జరుగనున్న సంగతి తెలిసిందే. ఈ వేడుకకు సినీ రాజకీయ రంగ ప్రముఖులు హాజరుకానున్నారు. ఈ వేడుకను అత్యంత వైభవంగా జరపడానికి మోహన్‌బాబు ప్లాన్‌ చేస్తున్నాడు. ఐదు రోజుల పాటు ఈ వివాహ వేడుక జరుగనుంది. ఇందులో భాగంగా నిర్వహించే సంగీత్‌ వేడుకలో సౌతిండియన్‌ సూపర్‌స్టార్‌ రజనీకాంత్‌, కన్నడ నటుడు అంబరీష్‌లతో సహా ఇతర నటీనటులు పాల్గొనబోతున్నారు. సంగీత్‌ కార్యక్రమానికి మంచు లక్ష్మీ యాంకరింగ్‌ చేయనుంది. ఈ వేడుకలో రజనీకాంత్‌, అంబరీష్‌ తదితరులు డాన్స్‌ చేయబోతున్నట్లు సమాచారం. శంషాబాద్‌లోని మోహన్‌బాబు ఇంట్లో ఈ వేడుక జరుగనుంది....!