మాస్‌మహారాజా రవితేజ హీరోగా సంపత్‌నంది దర్శకత్వంలో ‘బెంగాల్‌టైగర్‌’ తెరకెక్కుతున్న సంగతి తెలిసిందే. ఈ చిత్రంలో రవితేజ సరసన తమన్నా, రాశిఖన్నాలు హీరోయిన్లుగా నటిస్తున్నారు. కాగా ఈ చిత్రంలో ఓ కీలకపాత్ర ఉందని, అందుకోసం ‘తకిట తకిట, అవును, అవును2’లలో నటించి మంచి గుర్తింపు తెచ్చుకున్న హర్షవర్థన్‌రాణే ఎంపిక చేశారని తెలుస్తోంది. కాగా ఈ చిత్రం విజయదశమి కానుకగా విడుదల కానుంది. మరి ఈ చిత్రంతో హర్షవర్దన్‌ రాణే మరింత మందికి చేరువ అవుతాడనే నమ్మకాన్ని కొందరు వ్యక్తం చేస్తున్నారు. ఇలా మంచి స్టార్‌ఇమేజ్‌ ఉన్న చిత్రాల్లో యువహీరోలు నటించడం వల్ల ఎక్కువ మందికి రీచ్‌ అయ్యే అవకాశం ఉంటుందని విశ్లేషకులు భావిస్తున్నారు.