ఇటీవల విడుదలైన గోపీచంద్‌ ‘జిల్‌’ చిత్రంలో విలన్‌గా చేసి మంచి మార్కులు కొట్టేసిన విలన్‌ కబీర్‌ దుహన్‌సింగ్‌కు ఇపుడు ఆఫర్స్‌ వరసకడుతున్నాయి. ఆయన్ను విలన్‌గా పెట్టుకోవాలని చాలామంది ఆసక్తి చూపిస్తున్నారు. తొలి చిత్రంతోనే తనదైన ముద్ర వేసిన కబీర్‌ ఇప్పుడు తమిళంలో ఓ పెద్ద ప్రాజెక్ట్‌లో విలన్‌గా బుక్కయ్యాడు. అజిత్‌ హీరోగా ‘శౌర్యం’ దర్శకుడు శివ దర్శకత్వంలో రూపొందనున్న ‘అచ్చామలై’లో మెయిన్‌ విలన్‌గా ఆయన్ను తీసుకున్నారు. ఈ చిత్రంతో తనకు తమిళంలో కూడా మంచి మంచి ఆఫర్స్‌ వస్తాయనే నమ్మకంతో కబీర్‌ ఉన్నాడు. మొత్తానికి దక్షిణాది పరిశ్రమకు కొత్తగా ఓ మంచి విలన్‌ దొరికాడని విశ్లేషకులు అంటున్నారు.