విప్లవనాయకుడు ఆర్‌.నారాయణమూర్తి అంటే తెలియని వారు ఉండరు. ఆయన ప్రజానటుడు. అలాగే తెలంగాణ ముఖ్యమంత్రి కేసీఆర్‌ కూడా బహుముఖ ప్రజ్ఞాశాలి. ఆయన గతంలో ఎన్‌కౌంటర్‌ శంకర్‌ దర్శకత్వంలో జగపతిబాబు హీరోగా వచ్చిన ‘జైబోలో తెలంగాణ’ చిత్రంలో ‘గారడీ చేస్తుండ్రు...’ అంటూ ఓ పాట రాశాడు. ఇప్పుడు కేసీఆర్‌ మరలా ఓ పాట రాయనున్నాడని అది ఆర్‌.నారాయణ మూర్తి సినిమా కోసం అని తెలుస్తోంది. అల్లాణిశ్రీధర్‌ దర్శకత్వంలో ‘బోనాల పోతురాజు’ చిత్రం రూపుదిద్దుకుంటోంది. ఈ చిత్రం కోసం ఓ పాటను రాయడానికి కేసీఆర్‌ ఒప్పుకున్నాడట. మరి ఆయన పాట ఈ చిత్రానికి ఎంతవరకు హెల్ప్‌ అవుతుందో వేచిచూడాల్సివుంది...!