'మిర్చి' లాంటి బ్లాక్ బాస్టర్ సినిమాను డైరెక్ట్ చేసిన దర్శకుడు కొరటాల శివ తాజాగా మహేష్ బాబు హీరోగా 'శ్రీమంతుడు' అనే సినిమాకు దర్శకత్వం వహిస్తున్న సంగతి తెలిసిందే. ఈ చిత్రానికి దేవిశ్రీప్రసాద్ స్వరాల్ని అందిస్తున్నారు. కొరటాల శివ, మహేష్ బాబు, దేవిశ్రీప్రసాద్ కాంబినేషన్ లో వచ్చే ఈ సినిమాపై అంచనాలు భారీగా ఉన్నాయి. అయితే ఈ సినిమాలో ఐటెం సాంగ్ లో నటించడానికి పూర్ణ ను సంప్రదించగా ఆమె అంగీకరించినట్లు తెలుస్తోంది. 'మహాలక్ష్మి' , 'సీమటపాకాయ్' , 'అవును' సినిమాలతో తెలుగు ప్రేక్షకులకు పరిచయమైన నటి పూర్ణ ఇప్పుడు మహేష్ సరసన నర్తించడానికి అవకాశం రాగానే ఆమె మొహం వెలిగిపోతోందట. ఎప్పుడెప్పుడు షూటింగ్ మొదలవుతుందా అని పూర్ణ ఎదురుచూస్తున్నట్లు ఆమె సన్నిహితులు చెప్పుకుంటున్నారు. దేవిశ్రీప్రసాద్ మాస్ మ్యూజిక్ మహేష్-పూర్ణ కెమిస్ట్రీ ఈ సినిమాకు ఎంత వరకు హెల్ప్ అవుతాయో వేచి చూడాల్సిందే..!