మలయాళంలో హిట్ అయిన 'పెప్పర్ అండ్ సాల్ట్' చిత్రాన్ని ప్రముఖ విలక్షణ నటుడు ప్రకాష్ రాజ్ తన సొంత దర్శకత్వంలో తానే ప్రధానపాత్ర పోషిస్తూ.. తెలుగులో 'ఉలవచారు బిరియాని' టైటిల్ తో సినిమా తీశాడు. ఈ చిత్రంలో స్నేహ కూడా కీలకపాత్ర పోషించింది. కానీ ఈ చిత్రం టాలీవుడ్ బాక్సా ఫీస్ వద్ద డిజాస్టర్ గా నిలిచింది. ఇప్పుడు ఈ చిత్రాన్ని బాలీవుడ్ లోకి రీమేక్ చేయడానికి సన్నాహాలు జరుగుతున్నాయి. ఈ చిత్రంలో బాలీవుడ్ విలక్షణ నటుడు నానా పాటేకర్ ప్రధానపాత్ర పోషించనున్నాడు. ఈ చిత్రంతో ప్రకాష్ రాజ్ కూడా దర్శకునిగా బాలీవుడ్ కి పరిచయం కానుండటం విశేషం. మరి బాలీవుడ్ లోనైనా ఈ చిత్రం విజయం సాధిస్తుందో లేదో చూడాలి...!