కోలీవుడ్ లో ఘనవిజయం సాధించిన 'సలీం' చిత్రానికి డైరెక్షన్ చేసిన దర్శకుడు ఎన్.వి.నిర్మల్ కుమార్ ఇటీవల తెలుగు సీనియర్ స్టార్ వెంకటేష్ కు ఓ స్టోరీ లైన్ వినిపించాడని తెలుస్తోంది. స్టోరీ లైన్ బాగా నచ్చడంతో వెంకీ కూడా గ్రీన్ సిగ్నల్ ఇచ్చాడని, త్వరగా ఫుల్ బౌండ్ స్క్రిప్ట్ ను రెడీ చేయమని కోరాడని, ప్రస్తుతం ఆ పనుల్లో నిర్మల్ కుమార్ బిజీగా ఉన్నట్లు తెలుస్తోంది. 'దృశ్యం' తర్వాత మరలా వెంకటేష్ సోలో హీరోగా చేస్తున్న చిత్రం ఇదే కావడం గమనార్హం. ఈ చిత్రంలో వెంకటేష్ స్లిమ్ గా కనిపించాల్సిన అవసరం ఉండటంతో ప్రస్తుతం వెంకటేష్ అదే పనిలో ఉన్నాడని, వెయిట్ తగ్గే పనిలో తీవ్రంగా కసరత్తులు చేస్తున్నట్లు సమాచారం. ఈ చిత్రం థ్రిల్లర్ జోనర్ లో రూపొందనున్నట్లు సమాచారం.